Спасовски се потпиша во книгата на жалост во турската амбасада

Министерот за внатрешни работи Олвиер Спасовски денеска се потпиша во книгата на жалост по повод смртта на настраданите од земјотресите во Турција и Сирија.

-Изразувам најискрено сочувство за големата трагедија во братска Туркије, на братскиот турски народ. Македонија ќе биде секогаш со Туркије и со граѓаните. Срцето на целиот македонски народ и граѓаните на Македонија чука заедно со граѓаните на Туркије, порача Спасовски.

Книгата за жалост е отворена во амбасадата на Турција во земјава.

Бројот на загинатите во силниот земјотрес се искачи на 35.225, покажуваат официјалните податоци објавени утринава од Турција и Сирија.