Малку порано денеска Манчестер Јунајтед го објави официјалното назначување на Рубен Аморим на чело на клубот, а потоа Спортинг (Лисабон) пак излезе со соопштение кое дава поголема јасност за зделката.
Лисабонскиот гигант додава дека „Олд Трафорд“ ќе плати 11 милиони евра за тренерот и уште 1,650 милиони поврзани со разни додатоци.
Се верува дека оваа дополнителна исплата е поврзана со ослободување на менторот без да мора да истече целото едномесечно известување и неговото право да пристигне кај „црвените ѓаволи“ веќе на 11 ноември, како и неговите тројца помошници.
Самиот Аморим потпиша договор со Манчестер Јунајтед на две и пол години, но со опција за дополнителна сезона. Тој ќе ги преземе „црвените ѓаволи“ од 11 ноември, а дебито ќе го има на 24 ноември на гостувањето кај Ипсвич.