Томас Мертенс, шефот на германската комисија што одобрува употреба на вакцини во Германија, ги пофали Русите и нивната вакцина против коронавирусот, пренесе хрватскиот весник „Јутарњи“.
„Ова е добра вакцина и во одреден момент веројатно ќе биде одобрена и во ЕУ. Руските научници имаат големо искуство со вакцините. „Спутник V е умно направен“, рече Мертенс, кој е претседател на Германската постојана комисија за вакцинација, која одобрува употреба на вакцини во Германија.
Да потсетиме, Европската агенција за лекови (ЕМА) во моментов ја тестира руската вакцина „Спутник V“, а досега се одобрени вакцините на производителите Фајзер-Бајонтек, Модерна и АстраЗенека, а на 11 март се очекува ЕМА да ја одобри употребата на вакцината на американскиот производител Џонсон и Џонсон.
Германскиот експерт, исто така, верува дека е сигурен дека наскоро ќе има вакцина против вирусот и за деца. До денес, вакцините се користени само за оние над 18 години, а во моментов се спроведуваат студии за тоа како вакцините влијаат на децата.