Фудбалските федерации на Србија и Албанија поднесоа кандидатура за организација на ЕП 2027 за фудбалери до 21 година.
Оваа информација стигна од Швајцарија во четвртокот попладне, а Асошиетед прес јавува дека српската и албанската федерација го исполниле условот и во согласност со рокот доставиле да покажат планови за одржување на турнирот.
Планот е барем делумно да се надминат политичките тензии меѓу двете земји, кои траат веќе неколку децении.
УЕФА, наводно, известила дека Србија и Албанија го исполниле барањето на 26 септември, додека конечната одлука за домаќините ќе биде донесена на 16 декември, на состанокот на Извршниот комитет на УЕФА.
На овој начин Србија и Албанија дојдоа на чекор до организација на турнир со 16 селекции кој се одржува на секои две години.
Интерес за организација на истиот турнир претходно покажаа Белгија и Турција, додека Србите и Албанците ги здружија силите од мај годинава за да организираат 31 натпревар.
Арманд Дука, лидерот на албанската федерација и потпретседател на УЕФА, вели дека ова е „100 отсто фудбалски проект, со многу добра политичка порака“.
Србија и Албанија своите политички несогласувања, главно поради настаните на Косово и Метохија, ги префрлија во светот на фудбалот, каде пред десет години на Маракана се случи инцидент со дрон на квалификацискиот натпревар за Европското првенство.
Неодамна имаше инциденти на Европското првенство во Германија, кога албански фудбалер беше суспендиран поради навреди и скандалозни пораки, меѓу другото и против Србите.