Според количината на оружје што го поседуваат граѓаните во однос на населението, Србија и Црна Гора го делат првото место во Европа со просечно 39,1 мало оружје на 100 жители, што значи дека секој трет жител на овие две земји е вооружен.
Ова се податоците од истражувањето на независната организација „Светски преглед на населението“ со седиште во Соединетите држави, во која, меѓу другото, се наведува дека најоружена нација во светот се Американците со 120,5 оружја на сто жители. Според истите податоци, Босна и Херцеговина е на 13-то место во светот со 31,2 парчиња цивилно оружје на сто жители, пишува „Кликс.ба“.
Кога ќе го погледнеме вкупниот број на оружје, можеме да видиме дека населението во Србија има 2.719.000 оружја, Црна Гора 245 илјади, а во БиХ тој број е 1.185.000.
Важно е да се истакне дека овие податоци се однесуваат само на оружје што е уредно пријавено во надлежните институции, додека бројот на оние што не се пријавени, т.е. незаконското не може да се утврди со сигурност, бидејќи нема официјални записи за него.