Средба на амбасадорите на ЕУ за новиот вид коронавирус утре во Брисел

Амбасадорите на земјите од Европската унија утре во Брисел ќе одржат состанок за ново ограничување на движењето поради појава на новиот вид коронавирус во Велика Британија.

Неколку земји на ЕУ – Австрија, Белгија, Франција, Германија, Ирска, Италија и Холандија – најавија дека ќе ги прекинат воздушните врски, а некои од нив и железничките и поморските врски со Велика Британија.

Одлуката е донесена откако британскиот премиер Борис Џонсон воведе карантин во Лондон и дел од Англија во саботата по појавата на тој вирус.

Неименуван официјален претставник на ЕУ рече дека амбасадорите, меѓу другото, ќе размислат за воведување мерки како што се PCR-тестови за патници кои доаѓаат од Велика Британија.