Српски актер казнет со 500 евра на плажа во Сплит – бил пријавен дека се капел со своето куче, а потоа навредил полицаец

Општинскиот суд за прекршоци во Сплит вчера го казни српскиот актер Сергеј Трифуновиќ со 500 евра затоа што чувал куче без надзор и навредувал полицаец на плажата Каштелет во Сплит.

Покрај казната од 500 евра, Трифуновиќ мора да плати и 50 евра судски трошоци, соопштија од тој суд, пренесува Хина.

Трифуновиќ попладнето со својот германски овчар пливал на градската плажа Каштелет во Сплит. Ова им пречело на капачите кои случајно се нашле таму, па еден од нив повикал полиција.