Српскиот динар од денеска е на курсната листа на Народната банка на Северна Македонија.
Според курсната листа за денеска, 2 ноември, просечниот курс на српскиот динар изнесува 0,5261 македонски денар.
Советот на Народната банка на Северна Македонија на 13 октомври донесе одлука српскиот динар да се вклучи во курсната листа од ноември.
Како што тогаш беше објаснето, вклучувањето на српскиот динар во листата на валути што може да се купуваат и продаваат на девизниот пазар отвора можности за поедноставување на економската соработка и ги охрабрува бизнисмените да ги интензивираат трговските и финансиските текови меѓу двете земји, со имајќи предвид дека Србија е еден од најважните трговски партнери на Северна Македонија.
Со ставањето на динарот на курсната листа, оцени централната банка, може да се очекуваат поволни ефекти во поддршка на услужните дејности, со оглед на тоа што бројот на туристи од Србија кои доаѓаат во Северна Македонија е значителен.