Претседателот на ССМ, Дарко Димовски денеска на средба во Владата изнел барања за линеарно зголемување на платите од 2806 денари за целиот јавен сектор, вклучително и образованието, регрес – утврдување на правото што го изгубиле, но и методологија за усогласување на порастот на минималната плата со останатите плати.
-Овој проблем треба да се реши во интерес на целиот јавен сектор, но ние се бориме и за правата на сите работници, независно од секторот. Ако не се случи тоа, од септември согласно законот, ќе бараме примена на колективните договори и ќе бараме процентуално зголемување на платите. Ова линеарно е во знак на солидарност, од чистачка од претседателот на државата да земеме по 2806 денари, рече Димовски.
Иако се празници, Димовски вели дека се достапни за владата и очекуваат одговор од неа.
-Сметам дека има позитивни сигнали. Мислам дека е солидарно. Чекаме да не викнат, кажа Димовски.