На вчерашното редовно годишно Собрание на Синдикатот на новинарите и медиумските работници(ССНМ), избран е нов Извршен одбор и се гласаше за претседател на синдикатот
За претседател со нов мандат е избрана Тамара Чаусидис, која беше и единствен кандидат.
За членови на новиот и проширен состав на Извршен одбор на ССНМ се избрани:
Маја Томиќ,Дарко Чекеровски ,Марија Севриева, Маја Јовановска, Тео Блажевски, Роберт Атанасовски, Јане Димески, Владо Апостолов, Тамара Грнчароска, Филип Ѓурчиновски, Марија Митевска, Христина Јованова и Љубиша Станковиќ
Собранието воедно донесе одлука за формирање Совет на основачи кое е советодавно тело во кое по автоматизам , по завршувањето на мандатите , влегуваат сите членови на органите на ССНМ , Извршен и Надзорен одбор, Статутарна комисија Во Советот со одлука на мнозинството, можат да бидат поканети да учествуваат и припадници на медиумската заедница кои не се членови на синдикатот , но се потврдиле како негови поддржувачи и можат да придонесат со своето искуство и експертиза за подобро работење. Советот на основачи има мандат да ја следи работата на извршните органи на ССНМ, и да дава препораки кои Извршниот мора да ги разгледува, а за негова организација е задолжен Драган Антоновски.
Собранието донесе одлука и за преиспитување на учеството на ССНМ во Повелбата за солидарност, со оглед на најавите за формирање партија „Левица“ од страна на дел од учесниците во Повелбата. Новото раководство е задолжено да побара објаснување за партиското активирање на дел од учесниците на Повелбата и да донесе одлука за замрзнување на соработката до колку таа може да партиски да го обои делувањето на ССНМ.
Едногласно се усвоени Извештајот за работата и Финасовиот извештај на ССНМ. На Собранието како гостин учествуваше и потпретседателката на Меѓународната федерација на новинарите Јасмина Поповиќ.