„Ги охрабруваме македонските лидери да го надградат напредокот што веќе го постигнаа со имплементирањето на политичкиот договор од 15-ти јули, кој всушност претставува најдобар начин за излез од кризата и за отворање пат за кредибилни избори во април идната година.
Партиите го испуштија клучниот рок да се согласат по сериозни прашања поврзани со формирањето влада, заштитата на таканаречените „свиркачи“ и „заштитата на приватноста“.
„Се надеваме дека додека работните групи ги продолжуваат разговорите, сите инволвирани страни на прво место ќе ги стават интересите на државата, воедно повторувајќи ја нивната определба за интеграција на Македонија во евроатланските структури“, изјави Кирби.
Тој исто така нагласи дека политичките партии во земјава не треба да се обидуваат да влијаат или да го попречат извршувањето на задачите на специјалната обвинителка и дека треба да и се обезбедат ресурси и персонал кои таа одреди дека и се потребни, за да го исполни нејзиниот мандат.