Стејт департмент: Нашата желба е кандидатурата на С. Македонија да влезе во преговарачката рамка до крајот на годинава

„САД ги повикаа Бугарија и Северна Македонија да ги решат билатералните спорови надвор од пристапниот процес, за да се постигне заедничката цел за членство на Северна Македонија во Европската Унија“, изјави за Гласот на Америка портпаролот на Стејт департментот.

Оттаму потсетуваат дека САД се силни поддржувачи на евроатлантската интеграција на Западен Балкан.

„Ние сме јасни во нашата желба да видиме кандидатурата на Северна Македонија да влезе во преговарачката рамка до крајот на оваа година“, вели портпаролот на Стејт департментот, нагласувајќи дека ги поздравува напорите за преговори, дополнувајќи дека одложувањето на пристапот на овие држави во ЕУ ризикува да се обноват прашањата за кредибилноста на ЕУ во регионот.