Стинг се враќа на европската турнеја со концерт во Лион

Британскиот пејач Стинг ќе ја продолжи својата европска турнеја со концерт во Лион на 17 јули,
пренесува „Франс инфо“.

Поради проблеми со грлото музичарот откажа шест последователни концерти во Германија, Чешка
и Холандија. Последниот откажан концерт беше закажан за 15 јули во Бон.

„Стинг се чувствува подобро, но грлото продолжува да го боли. Лекарите му препорачаа да не пее
во понеделник вечер во Бон“, се вели на сајтот на пејачот.

Се наведува и дека новите датуми на откажаните концерти наскоро ќе станат јасни.
Од Франција, 67-годишниот изведувач ќе замине за Шпанија и Холандија.