Зимава не би требало да замижиме пред загадувањето на воздухот, бидејќи во зимските месеци вршиме поинтензивни инспекциски надзори на инсталациите до А интегрирани еколошки дозволи, изјави Сретен Стојковски, директор на Државниот инспекторат за животна средина, во вечерашното издание на „Топ тема“.
Сите топлани, како што појасни Стојковски, покрај енергенсот што го користат, имаат можност да користат и резервен, освен Те-То кој има можност за користење само на гас.
„При замена на енергесот, тие го информираат Државниот инспекторат дека ќе преминат на друг енергес, мазут, за што ние правиме соодветни контроли. За квалитетот на мазутот е одговорен Државниот пазарен инспекторат, додека за квалитетот на емисии во воздухот е одговорен Државниот инспекторат за животна средина“, вели Стојковски.