Во ек на глобална криза, наместо да се полнат, стоковите резерви се празнеле и препродавале со одобрување на тогашниот државен врв, обвини денеска Викторија Андоновска од ВМРО-ДПМНЕ.
Според партијата, во периодот од 2019 до 2021 година, 2.000 тони јачмен и пченица во вредност од 800.000 евра биле отпишани од залихите по насока на Зоран Заев, Венко Филипче и Љупчо Николовски.
Андоновска тврди дека за да се скрие кусокот и да не се забележи недостатокот, веднаш потоа биле реализирани два тендери со една соседна држава за набавка на 20.000 тони жито.
„Со овие два тендера, Заев, Филипче и Николовски сметале дека ќе се покријат недостатоците во стоковите резерви, а јавноста истото ќе го заборави. 800.000 евра пари на граѓаните завршиле во џебовите на Заев, Филипче и Николовски, а 2000 тони јачмен и пченица, на црн пазар во друга држава“, рече Андоновска.