Генералниот секретар на НАТО Јенс Столтенберг денеска изјави дека КФОР е подготвен да интервенира доколку стабилноста е загрозена.
Јенс Столтенберг денеска телефонски разговараше со претседателот на Србија, Александар Вучиќ и со премиерот на Косово, Албин Курти.
„Зборував со претседателот на Србија, Александар Вучиќ за тензиите на северот на Косово. Сите страни мора да се вклучат конструктивно во дијалогот со посредство на Европската унија и да ги решаваат разликите преку дипломатија. НАТО и КФОР се подготвени да интервенираат доколку е загрозена стабилноста, врз основа на нивниот мандат од ОН“, напиша Столтенберг на Твитер.
Spoke to #Serbia’s President @avucic about tensions in northern #Kosovo. All sides must engage constructively in the EU-mediated dialogue, and solve differences through diplomacy. @NATO_KFOR stands ready to intervene if stability is jeopardised, based on its @UN mandate.
— Jens Stoltenberg (@jensstoltenberg) August 3, 2022
Столтенберг изјави и дека со премиерот на Косово разговарал за неодамнешните тензии.
„Сите страни мора да бидат воздржани“, напиша Столтенберг за разговорот со Курти и додаде дека на косовскиот премиер му рекол дека сите страни мора да избегнуваат еднострани потези, но и да го поддржат дијалогот со посредство на ЕУ.
„Останувам во контакт со Белград и Приштина“, додаде тој.
Spoke to @albinkurti about the recent tensions in #Kosovo & the continued importance of our @NATO_KFOR mission. All sides must maintain calm, avoid unilateral actions & support EU-mediated dialogue. I remain in close contact w/both Pristina & Belgrade.
— Jens Stoltenberg (@jensstoltenberg) August 2, 2022
Да потсетиме, во текот на разговорот со генералниот секретар Столтенберг, претседателот на Србија, Вучиќ го презентираше ставот на Србија за тешката ситуација на Косово и го информираше за активностите на Приштина кои предизвикуваат дополнителен страв и немир кај граѓаните од српска националност, соопшти прес-службата на Претседателството на Србија. објавен претходно денеска.
„Двајцата соговорници се согласија дека е неопходно да се продолжи дијалогот меѓу Белград и Приштина и дека мирот и стабилноста се од клучно значење, не само за Србија и регионот, туку и за сите оние кои живеат на Косово и Метохија“, се вели во соопштението од српското претседателство.