Генералниот секретар на НАТО Јенс Столтенберг денеска изјави дека жали што Русија одлучила да го суспендира учеството во новата СТАРТ повелба и оцени дека со таа одлука „целокупната архитектура за контрола на вооружувањето е демонтирана“.
„Жалам за денешната најава на Русија да го прекине своето учество во Деветтата СТАРТ повелба. Во последниве години Русија ги прекрши и се повлече од клучните договори за контрола на вооружувањето. Со денешната одлука, целата архитектура за контрола на оружјето е демонтирана. Сакам силно да ја охрабрам Русија да ја повлече својата одлука и да ги почитува постоечките договори“, рече Столтенберг на прес-конференција по состанокот на високо ниво меѓу НАТО, ЕУ и Украина во Брисел.
Рускиот претседател Владимир Путин претходно денеска изјави дека Русија го суспендира своето учество во новиот договор за намалување на нуклеарното вооружување СТАРТ со Соединетите држави, откако го обвини Западот дека е директно вклучен во обидите за напад на нејзините стратешки воздушни бази.