Столтенберг: Само Украинците можат да одлучуваат за условите за преговори со Русија

Останува на Украина да одлучи за условите за преговори со Русија, изјави денеска генералниот секретар на НАТО Јенс Столтенберг.

„Украинците и само Украинците можат да одлучат кога се исполнети условите за преговори и кој може да одлучи на преговарачка маса кое е прифатливо решение“, рече Столтенберг, пренесе „Ројтерс“.

Говорејќи на конференција во норвешкиот град Арендал, тој додаде дека улогата на НАТО е да ја поддржи Украина.