Крајната десница во Франција испадна прва политичка сила во земјата, откако станаа јасни резултатите од првиот круг на локалните избори. Националниот фронт постигна историска победа, со импресивен резултат: над 6 милиони Французи кои дале поддршката за ултрадесничарската партија, чија идеологија понекогаш е тешко компатибилна со француските републикански принципи.
Тоа е опасна демагогија за голем дел од Французите, но за милиони други таа е средство за казна спрема традиционалните политички партии – на владејачките социјалисти и на републиканците во опозиција.
“На францускиот народ му омрзна да го третираат како стадо овци. Луѓето сакаат суверенитет, сакаат сами да решаваат што е во нивен интерес. Сеуште е тешко да се предвиди резултатот од вториот круг. Ќе продолжиме активно со кампањата. Ќе продолжиме да им објаснуваме на граѓаните, кои се придобивките кога не гласаат за истите партии секој пат “, изјави лидерот на Националниот фронт Марин Ле Пен.
Републиканците се здружија со центристите, но дури и со заеднички сили се покажаа послаби од Националниот фронт.
Да, тоа се локални избори, а не претседателски. Но ставаат сепак крај на илузиите на традиционалните партии. Бидејќи националниот фронт може да биде на прагот на власта.