Од УХМР информираат дека наутро времето ќе биде студено, а преку денот сончево со мала до умерена локална облачност. Ќе дува умерен, а долж Повардарието и во источните делови засилен ветер од северен до северозападен правец со брзина и над 60 km/h.
Минималната температура ќе биде во интервал од -9 до-1, а максималната ќе достигне од 1 до 9 степени.
Во Скопје сончево со мала до умерена облачност. Ќе дува умерен до засилен северен ветер. Температурата ќе стигне до 4 степени Целзиусови.
До недела времето ќе се задржи стабилно, суво и студено со ниски утрински температури. Утре ќе дува умерен до засилен ветер од северен правец повремено со брзина од над 60 км/час, а во сабота ветерот повремено ќе засилува. Во понеделник и вторник ќе има зголемена облачноста проследена со повремени врнежи од дожд, а на некои повисоки места од повремен снег.