Студентите со театарската претстава „Ревизор“ најдобри во Ѓаково

Студенти од трета година на Факултетот за драмски уметности во Скопје во класата на професорката Мими Таневска со претставата „Ревизор“ освоија награда за најдобра претстава на фестивалот на театарските академии „Дионис“ во Ѓаково, Хрватска.

На фестивалот, што го организира Уметничката академија од Осиек, учествувале и студенти од академии од Загреб, Сплит, Австрија, Германија и Романија. Тој се организира од 2008 година.