Сегашната генерација на Subaru BRZ овој месец ќе добие нова верзија, чие име се уште не е откриено.
Јапонците досега објавија само една тизер слика, со најава дека станува збор за „поостра и пофокусирана“ еволуција на BRZ. Ова сугерира дека BRZ би можел да добие изменета суспензија и подиректен систем за управување.
Сликата го покажува и логото на BRZ на предното светло, во STI „Cherry Blossom Red“ боја, навестувајќи ја вклученоста на домашниот тјунер на Subaru во овој проект.
Останува да видиме дали автомобилот ќе добие малку поголема сила од стандардниот модел, кој за Северна Америка доаѓа со 2,4-литарски мотор со 228 КС (со погон на задните тркала и шестстепен мануелен менувач или опционален шест -брзински автоматски).
Subaru ќе ја претстави оваа нова верзија на BRZ на фестивалот Subiefest во Калифорнија на 23 јули.