Романецот Иштван Ковач ќе го суди финалето на Лигата на шампионите, објави Европската фудбалска асоцијација (УЕФА). Дополнително, УЕФА објави и кои судии ќе ги судат финалните натпревари во преостанатите европски натпреварувања. Судијата од Босна и Херцеговина, Ирфан Пељто, ќе го суди финалето на Конференциската лига, во кое ќе се сретнат Челзи и Реал Бетис на 28 мај во Вроцлав.
За Лигата на Европа, германскиот судија Феликс Цвајер ќе го суди финалето меѓу Манчестер Јунајтед и Тотенхем на 21 мај во Билбао. Ирфан Пељто е меѓународен судија од 2015 година и оваа сезона судеше седум натпревари од Лигата на шампионите, вклучувајќи го четвртфиналето помеѓу Арсенал и Реал Мадрид, како и четири натпревари од Лигата на Европа. Неговите асистенти ќе бидат Сенад Ибришимбеговиќ и Давор Бељо од Босна и Херцеговина, додека Халил Умут Мелер од Турција ќе биде четврти судија. ВАР системот ќе го надгледува Жером Брисар од Франција.