Судир на полицијата и демонстрантите во трговски центар во Хонг Конг

Полицијата во Хонг Конг денеска се судри со демонстранти кои прошетаа низ трговски центар во Шеунг Шуи, во близина на границата со копното, барајќи кинеските трговци да ја напуштат таа автономна територија.

Околу 100 демонстранти во трговскиот центар извикувале „слободен Хонг Конг“ и „вратете се на копното“ по што со палки ги нападнале полицајци во цивил, а на некои им иставиле и лисици.

Според локалните медиуми, еден полицаец со бибер спреј испрскал дел од демонстрантите и новинарите.

Протестите во Хонг Конг почнаа во јуни поради контроверзниот закон за екстрадиција, но подоцна прераснаа во пошироки демонстрации поради состојбата во економијата и политичкиот систем.