Судот во Хаг го обвини поранешен началник на безбедноста од режимот на Гадафи

Меѓународниот кривичен суд издаде потерница против поранешниот началник на безбедноста за време на владеењето на либискиот лидер Моамер Гадафи.

Тој е обвинет за воени злосторства во 2011 година. Во потерницата Мохамед Калед ал-Тухами, кој е поранешен шеф на либиските служби за внатрешна безбедност, се обвинува по седум точки за воени злосторства и злосторства против човештвото.

Станува збор за злосторства како тортура, прогонување на опозициски активисти со цел да се уништи со сите средства јавната опозиција, која е  против режимот на Гадафи, се разјаснува преку  соопштението на судот во Хаг. / АФП