Судија од Пенсилванија одлучил дека подароците на милијардерот Тесла и сопственикот на „Х“, Елон Маск за гласачите може да продолжат и за време на денешните претседателски избори.
Обвинителството го обвини Маск дека водел нелегална лотарија и се обидел да влијае врз гласачите на претседателските избори меѓу Камала Харис и Доналд Трамп.
Контроверзниот милијардер вети дека секој ден ќе донира 1 милион долари на регистрираните гласачи во државите свинг кои ја потпишуваат неговата онлајн петиција за слобода на говор и право на носење оружје.
Првите милион долари му беа доделени на Џон Дрехер за време на кампањата во Пенсилванија на 19 октомври.
Окружниот обвинител на Филаделфија, Лари Краснер, оваа наградна игра ја нарече измама што го прекршува државниот изборен закон и повика да се укине.
Адвокатите на Маск денеска пред судот изјавија дека победниците на лотаријата не биле случајно избрани, туку биле платени како портпароли на групата.
Адвокатот на Маск, Крис Гобер, рече дека последните двајца приматели пред претседателските избори ќе бидат во Аризона во понеделник и Мичиген во вторник.
„Примателите на милион долари не беа случајно избрани“, навел Гобер. „Точно знаеме кој ќе биде прогласен за добитник на милион долари“.