Додека не го запозна принцот Хари и не одлучи дека сака да стане принцеза, Меган Маркл го живееше холивудскиот живот како актерка во една од поуспешните серии. Во серијата „Suits“ таа ја играше Рејчел Зејн, паметна адвокатка која се вљубува во младиот Мајк Рос. Таа беше омилен лик на многу гледачи на серијата, но мораше да ја напушти актерската кариера кога се пресели во Лондон.
Дали е време за големото враќање на Меган Маркл?
Американската правна драма траеше од 2011 до 2019 година и првпат пристигна на „Нетфликс“ во јуни 2023 година и стана сензација преку ноќ. Поттикнати од овој неочекуван обновен интерес за серијата, NBC Universal откри дека се работи на нов проект „Suits“!
Креаторот на серијата Адам Корш наводно е во раните фази на развој, а се шпекулира дека новата серија не е рестартирање или продолжение, туку нова приказна, која се сели од Њујорк во Лос Анџелес. Сепак, тоа не значи дека некои добро познати ликови нема да се вратат!
Неодамнешните најави на Патрик Џ. Адамс, попознат како Мајк Рос од популарната серија, постави вистинска загатка, а досега невидените фотографии од старата екипа ги подгреаа гласините дека актерот сака да ни каже дека се враќа во новата серија – а прашање е кого ќе донесе со него!
Маркл во август потпиша договор со холивудската агенција WME и јасно е дека планира да го зацврсти своето место во светот на познатите личности. Многумина веруваат дека тоа ќе го направи токму со враќањето на актерството, а можеби сега откривме за каков таен проект се работи!