Сунак најави дека ќе го врати задолжителниот воен рок доколку победи Конзервативната партија

Британскиот премиер Риши Сунак изјави дека ќе ја врати задолжителната воена служба доколку Конзервативната партија победи на изборите закажани за 4 јули.

Сунак го претстави планот, според кој 18-годишниците ќе имаат можност да изберат да служат војска 12 месеци или да волонтираат еден викенд месечно во текот на една година, пренесува Sky News.

Тој додаде дека ќе воведе нова форма на задолжителна национална служба за младите доколку конзервативците победат на општите избори.