Шпанскиот плејмејкер Сусо во понеделникот остварил средба со газдите во Милан, на која побарал трансфер, јавуваат италијанските медиуми. Фаворити за неговиот потпис се Ливерпул, Севиља и Рома.
Играчот од средниот ред попладнево пристигна во „Каса Милан“ со неговиот агент и остана во зградата околу 45 минути. Според „Калчомеркато“ и „Газета дело Спорт“, Сусо побарал трансфер, нешто што ќе ги направи „росонерите“ повеќе од среќни.
Тој не успеа да се „вклопи“ во новиот систем на тренерот и повеќе не игра толку и добро за клубот. „Росонерите“ ќе сакаат најмалку 25 милиони евра за фудбалерот, но оваа сума тешко може да се добие.
Севиља покажува најголем интерес за играчот, а Рома би влегла во преговори доколку има размена со Ченгиз Ундер плус паричен надоместок.