Светска здравствена организација: За прв пат од март во Газа доставена медицинска помош

Светската здравствена организација (СЗО) денес соопшти дека успеала да достави девет камиони со основни медицински материјали во Газа, што е првата таква пратка од почетокот на март.

Во соопштението се вели дека помошта, доставена во Газа во среда, вклучувала 2.000 единици крв и 1.500 единици плазма, објави CNN.

Порано оваа недела, Канцеларијата на ОН за координација на хуманитарни прашања (OCHA) соопшти дека се очекува целото население на енклавата да се соочи со високо ниво на акутна несигурност во храната, при што речиси 500.000 луѓе се особено изложени на ризик.