Аргентинскиот фудбалер Алехандро Папу Гомез (36) падна на допинг тест пред две години. Тој доби двегодишна суспензија и забрана за настап, а неговиот примерок беше позитивен на тербуталин, недозволена супстанција за која Гомез тврдеше дека ја внесувал преку сируп за кашлица.
Тестирањето беше направено неколку недели пред Светското првенство во Катар во 2022 година, кое Гомез го освои како претставник на Аргентина. Гомез денеска тренира со нисколигаш и се надева на нов ангажман. Едвај чека да се врати на теренот, како што откри во интервју за аргентинската телевизија.
„Пред неколку дена пристигнав во Мадрид да ги посетам моите пријатели кои ме поканија да останам овде за да тренирам и многу сум среќен поради тоа. Ми се допаѓаат условите овде, во тој поглед можам да застанат до првата лига. Момците тука се сите супер, одлично е чувството да се биде повторно во соблекувалната. Немам уште многу казна за одлежување и се надевам дека ќе се вратам следната сезона. Ќе изберам добар клуб, добар град за да живеам со семејството и да се обидам да уживам во него. Никогаш не сум имал поголеми повреди, добро се грижев за себе и мислам дека можам да играм уште неколку години“, истакна тој.
Во кариерата настапуваше за Арсенал де Саранди, Сан Лоренцо, Катанија, Металист од Харков, Аталанта и Севиља. Аргентинскиот офанзивец пред една година имаше договор со Монца, но не можеше да дебитира поради суспензија. Во Серија А постигна 66 гола и асистираше за 80 на 317 натпревари.
За Аргентина има три гола на 17 настапи.