СВР Битола: Дојавите за експлозивни направи се лажни

Секторот за внатрешни работи Битола ја известува јавноста дека се направени сите потребни проверки во основните училишта во Битола во врска со закани за поставени експлозивни направи и утврдено е дека станува збор за лажни пријави.

Веднаш по добиените пријави од полициски службеници се преземени мерки за безбедно евакуирање на училиштата и по извршени проверки утврдено е дека станува збор за лажни пријави.

Од страна на отсекот за компјутерски криминал ќе следуваат дополнителни проверки во насока на утврдување на чинителите на лажните дојави.