Африка би можела да вакцинира 70 отсто од своето население до август 2024 година, според предвидувањата направени денеска од Светската здравствена организација, повикувајќи уште еднаш на забрзување на кампањата за „спасување на многу животи“.
Прагот од 70 проценти се смета за клучен за контрола на пандемијата, потсетува Регионалната канцеларија на СЗО за Африка по повод редовната онлајн прес-конференција.
Но, до 13 декември, само дваесет африкански земји вакцинираа најмалку 10 проценти од населението, само шест достигнаа 40 проценти и две (Маурициус и Сејшели) 70 проценти.
Забрзување на ритамот на вакцинација
„Со оваа динамика, СЗО проценува дека ќе треба да почека до мај 2022 година за Африка да има 40 отсто вакцинирани и до август 2024 година за да достигне 70 отсто“, додаваат од Африканската канцеларија на СЗО.
„Но, можеме да спасиме уште многу животи ако го забрзаме темпото на вакцинација на почетокот на 2022 година“, рече неговиот директор Матшидисо Моети.
СЗО-Африка, исто така, додава дека минатата недела бројот на новозаразени со Ковид-19 скокнал за 83 отсто, што може да се припише на новата верзија на омикрон, која беше откриена на 24 ноември во Јужна Африка.
Африка беше погодена од четвртиот бран на епидемијата
„Бројот на новозаразени се удвојува на секои пет дена, што е најбрзо темпо од почетокот на годината“, предупредува СЗО, но додава дека се уште има „помалку смртни случаи“ од претходното ширење на епидемијата. „Бројот на загинати е дури 19 отсто помал од претходната недела“, додаваат од организацијата.
„Сметаме, со внимателен оптимизам, дека бројот на смртни случаи и сериозни болести ќе остане низок во овој бран, но поради бавното темпо на вакцинација во Африка, тој ќе биде многу поголем отколку што треба“, истакнува Моети.
Повеќе од 2.700 случаи на омикрон коронавирус се пријавени во 59 земји, вклучително и 11 во Африка, кои сочинуваат 33 отсто од сите инфекции, наведува СЗО.