СЗО: Европа повторно е епицентарот на пандемијата

Светската здравствена организација (СЗО) денеска предупреди дека европските земји се соочуваат со „многу загрижувачки“ нови дневни рекорди на инфекција со коронавирус и дека толку висок процент на инфекција може да доведе до уште половина милион смртни случаи на континентот до февруари, пренесува Ројтерс.

„Сегашниот ритам на инфекција во 53 земји во европскиот регион е многу загрижувачки. Повторно сме епицентарот“, изјави директорот на СЗО за Европа Ханс Клуге на видео конференција.