135
Повеќе од 614.000 нови случаи на коронавирус се потврдени ширум светот во изминатите 24 часа, а починаа 9.396 лица, објави Светската здравствена организација (СЗО).
Според СЗО, во изминатиот ден се регистрирани 614.570 новозаразени и 9.396 смртни случаи поврзани со Ковид-19, со што вкупниот број на заразени од почетокот на пандемијата се искачи на 125,16 милиони, а официјалниот број на смртни случаи е 2.748.737, пренесе ТАСС.
Повеќето нови инфекции – 44% се регистрирани во Европа, следени од Северна и Јужна Америка и Југоисточна Азија.
Соединетите Американски држави имаат најголем број на пациенти и смртни случаи од почетокот на пандемијата.