Најмалку девет лица се убиени во руските напади врз украинските здравствени установи, соопшти Светската здравствена организација (СЗО).
Вистинскиот број на загинати во нападите врз украинските здравствени установи, вели СЗО, „може да биде значително поголем“.
Според нивните податоци, од почетокот на инвазијата до 3 март имало најмалку 16 руски напади врз здравствени установи во Украина.
„Од 7 март, СЗО потврди 16 напади врз здравствената заштита во Украина. Нападите резултираа со најмалку девет загинати и 16 повредени. Најмалку седум повредени се здравствени работници“, соопшти СЗО на Твитер, објаснувајќи дека нападите се случиле помеѓу 24 февруари и 3 март.
As of 7 March, WHO has verified 16 attacks on health care in #Ukraine. These attacks took place between 24 Feb and 3 March.
More reported incidents are currently in the process of being verified. https://t.co/v9OPJdpuPd— World Health Organization (WHO) (@WHO) March 7, 2022
„Во моментов се истражуваат и други пријавени инциденти“, додаде СЗО.