Францускиот трилер “Таа” триумфираше на овогодинешните награди “Цезар”, и ги грабна наградите во категоријата “Најдобар филм” и “Најдобра актерка” за Изабел Јупер.
Јупер која има 63 години се бори и за “Оскар” оваа недела. Лентата чиј комплексен заплет се врти околу темите за насилството, сексот и љубовта е во режија на холандскиот уметник Пол Верховен.
Во борбата за “Најдобар режисер”, сепак, тој не успеа да се избори и 27-годишниот противник Ксавие Долан, кој го грабна признанието со драмата “Ова е само крај на светот”. Филмот му донесе победа и на Гаспар Јолиел кој зеде статуетката за “Најдобар актер” за брилијантен драматург на умирање од рак кој оди да го види за последен пат семејството и да им соопшти дека животот му е при крај. Драмата освои награда и за најдобра монтажа.
Темата за пријателството меѓу девојките од две различни имигрантски семејства во средина на глад, беда и насилство пак донесе два француски “Оскара” и на “Божествените” – за “Најдобра споредна улога” (Дебора Локумена) и за “Врвно добро режисерско деби “(мароканката Худа Бенјамин). 
Церемонијата се разликува и со особено висок и јасен политички тон против десничарските управи.
Почетокот беше означен од американскиот актер Џорџ Клуни, кој ја доби почесната “Цезар” и го искористи благодарствениот говор не само да ја испочитува убавината на француското кино туку и да се заблагодари на сопругата Амал, но и да упати позната критика кон американскиот претседател Доналд Трамп. Тој ја истакна потребата да се надмине омразата и ограничувањата на слободите диктирани од управувањето со американската државна глава.
“Не можеме да ја заштитиме слободата во светот, напуштајќи го домот”, истакна тој. 
Британскиот режисер Кен Лоуч исто не избегна да ја изкритикува владата при добивањето на својот “Цезар” за “Најдобар странски филм”. Тој ја обвини Конзервативната партија во Велика Британија за “намерна бруталност” кон сиромашните во земјата и ги повика Французите да не гласаат за екстремнодесничарскиот претседателски кандидат Марин Ле Пен.
Младиот режисер Франсоа Руфи пак ги осуди безмилосно француските политичари за тоа што ја толерираат експлоатацијата на работниците во областа на производството.