Лидерот на Демократската партија на Албанија, (ДПА), Мендух Тачи изјави дека коалицијата ВЛЕН победила со гласовите на Албанците, а не со помош на ВМРО-ДПМНЕ, како што тврди Демократската унија за интеграција (ДУИ).
Во интервју, Тачи истакнал дека „заканата на ВМРО била залудна“, бидејќи, според него, „работите се откриени“ и влијанието на оваа партија врз македонските гласачи не било значајно.
„Денес, заканата на ВМРО-ДПМНЕ е залудна бидејќи работите се откриени. Можно е Македонците да не ги послушале за да гласаат за Албанците, но нивното влијание исто така не постои. ДУИ изгради пропаганда дека ВЛЕН победила со гласовите на ВМРО, но, тоа не е вистина. ВМРО-ДПМНЕ имаше многу, многу слабо влијание врз Македонците“, вели Тачи во интервју за вестите на Тв Алсат.
Според него, наративот на ДУИ за поврзаност помеѓу ВЛЕН и ВМРО е обид да се делегитимира победата на албанската опозиција на неодамнешните избори.