Таџ Махал беше евакуиран поради дојава за бомба

Безбедносните сили утрово ги евакуираа туристите од Таџ Махал, најпознатиот споменик во Индија, откако непознато лице телефонски пријавило дека во мавзолејот е поставена бомба.

Специјалните полициски единици започнаа претрес на Таџ Махал, но експлозивот досега не е пронајден, пренесува Times of India.

Полицијата смета дека дојавата најверојатно е лажна, но преземени се сите мерки на претпазливост.

Портпарол на полицијата изјави дека е идентификувана локацијата од каде е направен извештајот.