Руски борбен авион истрелал проектил кон авион со екипаж на британското воено воздухопловство (РАФ) над Црното Море во ноември минатата година, што би можело да го ескалира конфликтот, стои во тајните разузнавачки информации објавени минатата недела.
Она што потенцијално можеше да го ескалира конфликтот беше за малку избегнато откако еден од пилотите се закачил на RAF RC-135 Rivet Joint, кој носи до 30 членови на екипажот.
Рускиот авион летал над Црното Море кога неговиот пилот верувал дека имал дозвола да го собори, според доверливиот извештај на американските разузнавачки служби.
Минатата година, министерот за одбрана Бен Валас откри некои детали од инцидентот. Тој тогаш го означи лансирањето на проектилот како „технички дефект“ на ловецот Su-27.
Меѓутоа, кога се појавија нови детали за овој инцидент, ново светло се фрли на овој случај.
Документите покажуваат дека во нивниот извештај за инцидентот, американските одбранбени претставници тврделе дека рускиот пилот погрешно го протолкувал она што му го кажува радарскиот оператор на теренот.
Мислејќи дека има дозвола да пука, тој го нанишанил „шпионскиот авион“ и потоа го лансирал проектилот за време на инцидентот на 29 септември.
За среќа, системот кој требало да ја лансира ракетата бил расипан, па на тој начин наводно бил избегнат голем инцидент.
Еден од функционерите кој бил информиран за средбата, оваа ситуација ја опишал како многу застрашувачка.
Тогаш министерот за одбрана им кажал на пратениците дека невооружениот RAF Rivet Joint бил на рутинска патрола во меѓународниот воздушен простор во септември, кога бил следен од два борбени авиона Su-27.
Валас потоа откри дека за време на 90-минутната интеракција во близина на брегот на Украина, еден од Su-27 истрелал проектил во близина на британскиот авион.
Во текот на викендот, „Вашингтон пост“ објави дека доверливите документи го навеле инцидентот како „скоро соборување на UK RJ“, што е името на борбениот авион.
Министерството за одбрана, пак, остро ги демантираше наводите за инцидентот кои беа откриени во документите.
„Значаен дел од содржината на овие извештаи е невистинита и изманипулирана“, изјави претставник на министерството за одбрана.
RAF RC-135V ги впива непријателските сигнали и го доби прекарот „нуклеарен трагач“ поради неговата способност да детектира дури и радијација.
Британците користат авиони со четири мотори за електронско набљудување на непријателските цели со следење на сигналите од радарите и другите системи.
Новите откритија за инцидентот доаѓаат неколку недели откако американско беспилотно летало беше соборено додека леташе над Црното Море во близина на Крим и украинската линија на фронтот.
Рускиот авион Su-27 го погоди пропелерот на беспилотното летало MK-9 Reaper, а потоа падна во морето.