Тајван: Се радуваме на продлабочувањето на соработката со САД

Шефот на кабинетот на тајванската претседателка Цаи Инг-вен изјави денеска, по нејзината средба со делегација на американски претставници, дека Тајван со нетрпение очекува да продолжи со продлабочување на соработката со САД, што вклучува и заедничко одржување на стабилноста во индо-пацифичкиот регион.

„Тајван и САД отсекогаш биле лојални партнери кои споделуваат демократски вредности. Се радуваме на продолжувањето на продлабочувањето на соработката со Америка и заедно ќе ги одржиме просперитетот и стабилноста во индо-пацифичкиот регион“, изјави Цаи, пренесува РИА Новости.

Министерството за надворешни работи на Тајван во неделата објави дека делегација на американски пратеници предводена од сенаторот Ед Марки пристигнала во Тајван.