Популарната пејачка Тејлор Свифт веднаш по завршувањето на дебатата меѓу Доналд Трамп и Камала Харис објави објава во која ја поддржува кандидатката на демократите за претседател.
Во објавата во која ја објавува својата поддршка за Камала Харис, која штотуку имаше дебата со Трамп, Тејлор Свифт вели дека таа е стабилен и надарен лидер.
„Ќе го дадам својот глас за Камала Харис и Тим Валц на претседателските избори во 2024 година. Гласам за @kamalaharris затоа што таа се бори за права и каузи за кои верувам дека се бара воин за да ги брани. Мислам дека таа е стабилен, надарен лидер и верувам дека можеме да постигнеме многу повеќе во оваа земја ако не води мир, а не хаос. Бев толку охрабрена и импресионирана од нејзиниот избор за кандидат @timvalz, кој со децении се залага за правата на ЛГБТК+, ИВФ и правото на жената на сопствено тело“, напиша таа.
View this post on Instagram
Пејчаката вели дека била поттикната да дејствува откако кампањата на Трамп имплицирала дека го поддржува, а исто така не била задоволна од одредена забелешка од неговиот потпретседател Џеј-Ди Венс.
Нејзината објава, во која позира со долга коса, таа ја навела како „Тејлор Свифт, жена без деца со мачка“. Ваквиот опис на сликата е алузија на изјавата на Џеј Ди Венс дека Камала Харис е жена која има мачки, но нема деца и дека таквите луѓе не треба да одлучуваат за судбината на САД.
Јавната поддршка на Свифт за Камала Харис е значајна со оглед на фактот дека таа е една од најпопуларните американски пејачки и има огромна база на обожаватели.