Менаџерот на Манчестер Јунајтед, Ерик тен Хег, ги повика своите играчи да ја „задржат верба“ дека можат брзо да се вратат по поразот од Тотенхем во неделата со 3-0 во Премиер лигата, јави ДПА.
Јунајтед гостува во Порто во Лига Европа во четврток, а потоа патува за Бирмингем за да игра со Астон Вила во недела. Тимот загуби три од првите шест натпревари во лигата и се наоѓа на 13-то место во поредокот. Сепак, холандскиот тренер не е загрижен за својата иднина.
„Не размислувам за тоа, не сум загрижен“, изјави тој за Sky Sports. „Ќе се обидеме да имаме успешна сезона. Ништо не е лесно, но нема од што да се плашиме. Можеме да се справиме. Имавме лош натпревар со Тотенхем. Морам да му понудам решенија на тимот. Најважно е да ја задржите вербата тоа е најважно, бидејќи ако ја изгубите вербата, губите сè“, рече Тен Хаг.
„Во тимот играчите сакаат да се борат еден за друг. Кога губиме, сите се разочарани, но тоа е и нашето гориво“, смета тој.
„Треба да се справите со критиките и да не обрнувате премногу внимание на нив. Фокусиран сум на тоа да го водам тимот, се обидувам да извлечам максимум од тоа и не се задржувам на негативните мислења за мене како личност. Тоа не му помага на процесот. Се договоривме да останеме заедно во текот на летото. Склучивме договор и стоиме на него“, додаде Холанѓанецот.