Менаџерот на Манчестер Јунајтед Ерик тен Хаг истакна дека не се грижи многу за зборовите на Кристијано Роналдо на сметка на неговата работа.
Португалскиот фудбалер беше гостин на поранешниот соиграч Рио Фердинанд во поткаст, а потоа го критикуваше односот на Ерик тен Хаг кон некои повисоки цели и трофеи.
„Тој вели дека тимот не е конкурентен за освојување на Премиер лигата и Лигата на шампионите. Како менаџер на Јунајтед, не смеете да кажете дека нема да се борите за титулата или Лигата на шампионите. Мора да кажете: можеби немаме потенцијал за титулата, но ние ќе се обидеме“, рече тој.
На оваа порака од Португалецот одговори Холанѓанецот. Тој рече дека Манчестер не може да ја освои Премиер лигата.
„Тој е далеку од Манчестер Јунајтед, во Саудиска Арабија… Многу далеку од Манчестер. Секој има свое мислење денес и тоа е во ред, тоа не ме засега. Знам каде сме, во која фаза од процесот сме и каде одиме“, истакна Холанѓанецот.
Тој се осврна и на забелешката на Португалецот дека треба да го слуша својот помошник Руд Ван Нистелрој бидејќи на тој начин може да си помогне, бидејќи Руд подобро го познава Манчестер од него.
„Ќе видиме каде ќе бидеме во мај, сега се уште е рано за какви било проценки. Во фудбалот, трофеите се важни. Сега е важно да се пласираме што е можно подобро во лигата и да играме што е можно подобро. Во секој следен натпревар, се разбира, кога ќе погледнеме наназад на постигнатите резултати, никој не е среќен, но играчите имаат многу јасна претстава за целиот процес во кој се наоѓаат. Ние сме во добра позиција, но сепак треба да направиме напредок и треба да интегрираме што е можно повеќе млади играчи во тимот. Мора да најдеме замена и за повредените играчи. Пред некој да почне да бара изговори, ние мора да победуваме на секој натпревар, тоа го знам, тоа го знае и тимот. Фокусирани сме на секој натпревар и го имаме вистинскиот менталитет за победа“.