Tesla, американскиот производител на целосно електрични автомобили, најави дека нивното роботакси Cybercab ќе ја има европската премиера во неколку градови. Почнувајќи од крајот на ноември, Cybercab ќе биде претставен во Лондон, Берлин и Париз до 8 декември, а потоа во Амстердам, Стокхолм и Осло од средината на декември до 31 декември.
Да потсетиме, Илон Маск го претстави своето прво роботакси на светот на 10 октомври оваа година на настанот „We, Robot“ во Лос Анџелес, претставувајќи ги Cybercab и патничко комбе Robovan и роботот Optimus.
Според производителот, Tesla го развиле Cybercab за да обезбедат подостапно и побрзо транспортно решение. Тоа е целосно автономно роботакси дизајнирано да обезбеди премиум искуство и индивидуализирана електрична мобилност од почетната точка до дестинацијата за секого.
Cybercab е возило со две седишта без волан или педали и ќе биде достапно за сите преку апликацијата Tesla. Нарачувањето автономно возење со Cybercab ќе биде брзо и безбедно бидејќи „обезбедува практична и прифатлива опција за транспорт со огромен багажник што може да собере се што им е потребно на патниците“. Откако ќе нарачате возење, возилото ви стои на располагање онолку колку што ви треба, за кратки патувања или за цел ден.
Исто така, Tesla вели дека за да се создаде одржлива иднина, неопходно е да се демократизира транспортот. Американскиот производител го има одговорот, а тоа е на некој начин возењето да биде поефикасно, достапно и побезбедно. Автономното возење ја овозможува иднината каква што Tesla посакува денес, нудејќи потенцијал за намалување на потрошувачката на енергија, сообраќајниот метеж и човечките грешки, а сето тоа ги намалува оперативните трошоци.
Податоците и практиката од реалниот свет веќе покажуваат дека напредните функции за помош на возачот драматично ја зголемуваат безбедноста на патиштата денес – во третиот квартал на 2024 година, возачите кои користеле технологија за автопилот имале десет пати помала веројатност да учествуваат во сообраќајна несреќа отколку просечниот возач.
Денес, секој автомобил на Tesla доаѓа стандардно со Autopilot, кој овозможува поголема безбедност и удобност. Во иднина, сите автомобили на Tesla ќе бидат целосно самовозечки и без надзор, вклучително и сегашната палета возила – Model S, Model 3, Model X и Model Y ќе се ажурираат со текот на времето со дополнителни функции за помош на возачот додека напредуваат кон иднината со автономно возење.