„Тесла“ отвора „мегафабрика“ во Шангај, објави производителот на електрични автомобили на Твитер.
Како што се наведува, фабриката годишно ќе може да произведува 10.000 големи батерии Megapack, кои се користат за складирање на електрична енергија доволна за широка потрошувачка. Компанијата ја најави новата фабрика со фотографија од потпишување договор во Кина.
Our next Megafactory will be in Shanghai 🇨🇳—capable of producing 10k Megapacks per year pic.twitter.com/KlVGq5gYOg
— Tesla (@Tesla) April 9, 2023
„Тесла отвора фабрика за Megapack во Шангај за да го надополни производството во фабриката во Калифорнија“, објави Елон Маск на Твитер.
Кинеската државна новинска агенција Ксинхуа, која прва ја објави веста, вели дека производителот на електрични автомобили ќе започне со работа во третиот квартал од оваа година, додека производството ќе започне во вториот квартал на 2024 година.
Tesla opening Megapack factory in Shanghai to supplement output of Megapack factory in California https://t.co/hDpqoyNeOx
— Elon Musk (@elonmusk) April 9, 2023
„Тесла“ управува со мегафабрика во Лејтроп, Калифорнија, која може да произведува 10.000 единици Megapack секоја година – што е еквивалентно на 40 гигават-часови складирана енергија.