Жените кои се родени во знакот на Близнаци најчесто зрачат со некоја магнетна привлечност, енергија и смелост. Жените родени во овој знак обично се многу активни, сакаат големи друштва и најчесто се екстроверти.
За себе секогаш тврдат дека имаат многу пријатели, но нема да ви кажат дека истите луѓе брзо им здосадуваат, па сакаат да ги менуваат друштвата.
Жените близнаци обожаваат да флертуваат и се добри во тоа, но немојте да се измамите – не е ниту малку лесно да ги освоите. Тие имаат многу самодоверба и се свесни за нивните вредности, а нивниот широк опсег на знаење и висок коефициент на интелигенција ретко кого го оставаат рамнодушен.
Тие се најгласните во друштвото, духовити се и многу забавни, но никогаш не ги откриваат нивните тајни, така што нивниот приватен живот е вистинска мистерија.
Кога навистина ќе се вљубат, тие се подготвени целосно да му се предадат на партнерот, а најчесто ги привлекуваат оние што се потполно спротивни од нив, односно тивки и срамежливи момци.