Социјалната мрежа TikTok ја ограничи употребата на една од своите онлајн алатки што истражувачите ја користат за истражување и анализа на популарни видеа, предизвикувајќи критики за содржината на TikTok поврзана со војната меѓу Израел и Хамас и студија која сака да утврди дали TikTok ги потиснува темите што не се во во согласност со интересите на кинеската влада.
Креативниот центар на TikTok, кој е достапен за користење на сите, но првенствено е насочен кон помагање на брендовите и огласувачите во идентификувањето на актуелните трендови, повеќе не им дозволува на корисниците да бараат специфични хаштагови, дури и безопасни, пренесе АП.
Социјалната мрежа TikTok, која е во сопственост на ByteDance со седиште во Пекинг, исто така отстрани одредени хаштагови од Креативниот центар што некои онлајн истражувачи ги чуваа за нивна анализа и истражување.