Температурите низ Западна Европа продолжуваат да растат.Предупредувања за екстремна топлина беа издадени во Франција и Велика Британија, додека северна Шпанија во понеделникот забележа температура од 43 степени Целзиусови.
Илјадници луѓе во Франција, Португалија, Шпанија и Грција ги напуштија своите домови поради шумските пожари.
Денеска се очекува да биде најтоплиот ден во Обединетото Кралство, а експертите велат дека делови од Франција се соочуваат со „топлинска апокалипса“.
Во неколку делови на Франција беа поставени температурни рекорди, а во градот Нант, на западот од земјата беа измерени 42 степени Целзиусови, соопшти националната метеоролошка служба.
Повеќе од 30.000 луѓе се евакуирани во последните денови поради шумски пожари, а се формирани и засолништа за итни случаи.
Најлошо е во регионот Жиронд, популарна туристичка дестинација, каде пожарот што гори од минатиот вторник уништи повеќе од 17.000 хектари земја.