Боксерскиот тренер на Самоа, Лионел Елика Фатупаито (60) почина од срцев удар во Олимпиското село, соопшти Олимписката асоцијација на Самоа (САСНОЦ).
Како што изјавија, ова е еден од нивните најдобри тренери.
– Лионел беше еден од најдобрите боксерски тренери на Самоа. Нашите мисли и мислите на целата спортска заедница на Самоа се со семејството, колегите и пријателите на Лионел. Многу ќе ни недостига – изјави Паула Талалелеи Пауга, претседател на Олимпискиот комитет на Самоа.
Како што се додава, Комитетот не сака да дава дополнителни изјави во оваа прилика.
– Самоанскиот комитет нема да дава дополнителни изјави и ќе побара да се почитува приватноста на семејството на Лионел и спортистите во овој тежок период.
Инаку, Самоа на овие Игри ја претставува само Ато Плоџицки-Гаоагали и тоа во тешка категорија, што значи дека најверојатно ќе му биде придружник Фатупаито.
Вкупно 24 спортисти ја претставуваат Самоа на Олимписките игри во Париз.